Italia, magna Europae paeninsula, naturam loci variam sed semper amoenam habet. Non solum enim in Italia densae silvae, aquae limpidae, latae planitiae sunt, sed etiam alti montes. In planitia agricultura floret: nam terra fecunda est neque aquarum copia deest; Italiae incolae autem bene agriculturam et mercaturam exercent, itaque vitam prosperam et beatam plerumque agunt. Olim Roma Italiae domina erat et linguam Latinam Romanasque leges Europae dedit. Deinde violentia et minis barbarae gentes Italiam diu occupavërunt; nunc Italia ab advênis amatur et visitatur: terra enim multas amoenas oras habet et plena antiquarum memoriarum est.
- Latino
- Maiorum Lingua A
- Versioni dai Libri di Esercizi
